Магния сульфат 25% 5мл № 5амп ХФЗ (М)

- препарат компоненттеріне жекеше жоғары сезімталдық

- артериялық гипотензия, айқын брадикардия (ЖЖЖ минутына 55 рет соғудан аз), атрио-вентрикулярлық бөгеліс

- кальций тапшылығынан және тыныс алу орталығының бәсеңдеуінен болатын жай-күйлер, тыныс ағзаларының ауыр сипатты аурулары

- кахексия

- бүйрек функциясының бұзылуы, айқын бауыр немесе бүйрек жеткіліксіздігі

- миастения

- қатерлі жаңа түзілімдер

- босану алдындағы кезең (босануға дейін 2 сағат бұрын), лактация кезеңі

- етеккір

Тыныс алу ағзаларының ауруларында, асқазан-ішек жолының жедел қабыну ауруларында, жүктілікте сақтықпен қолданылады.

- артериялық гипотензия, брадикардия, жүрек соғуын сезіну, өткізгіштіктің бұзылуы, ысыну-лар, РQ аралығының ұзаруы және ЭКГ-да QRS кешенінің кеңеюі, аритмия, кома, жүректің тоқтап қалуы

- ентігу, тыныстың тарылуы

- бас ауыру, бас айналу, жалпы әлсіздік, ұйқышылдық, сананың шатасуы, естен тану, көңіл-күйдің жабырқауы, сіңір рефлекстерінің төмендеуі, диплопия, үрейлену, сөйлеудің бұзылуы, тремор және аяқ-қолдың ұюы

- бұлшықет әлсіздігі

- жүрек айну, құсу, диарея

- анафилактикалық шок, ангионевротикалық ісіну, гипертермиялық синдром, қалтырау

- гиперемия, қышыну, бөрту, есекжем, қатты терлеу

- полиурия

- жатыр атониясы

- гипокальциемия, гипофосфатемия, гиперосмолярлы дегидратация

Бұлшықет ішіне, көктамыр ішіне баяу немесе көктамырішілік инфузия түрінде тағайын-далады. Жаңа дайындалған инфузиялық ерітінділер ұзақ сақтауға келмейді және дайын-дағаннан кейін бірден пайдаланылуы тиіс.

Енгізу жиілігі және дозалары көрсетілімдерге және емдік әсеріне қарай жекеше белгі-ленеді. Инфузиялық енгізілгенде препаратты 0,9% натрий хлориді немесе 5% глюкоза ерітіндісімен сұйылтады. Көктамырішілік инъекцияда енгізу жылдамдығы, жүкті әйелдер аритмиясы мен эклампсиясын емдеуді қоспағанда, әдетте, 150 мг/минуттан (0,6 мл/мин) аспауы тиіс.

Гипомагниемия. Орташа айқын гипомагниемияда (0,5-0,7 ммоль/л) ересектерге әр 6 сағат сайын бұлшықет ішіне 4 мл (1 г магний сульфаты) енгізіледі.

Ауыр гипомагниемияда (<0,5 ммоль/л) бұлшықет ішіне енгізгенде жиынтық дозаны 1 мл/кг дейін (250 мг/кг) арттырады және 4 сағат бойы бөліп-бөліп енгізеді. Ауыр гипомагни-емияда көктамырішілік инфузия түрінде 20 мл препаратты (5 г магний сульфаты) 1 л 0,9% натрий хлориді немесе 5% глюкоза ерітіндісіне қосып, кемінде 3 сағат бойы енгізеді.

Көктамыр ішіне енгізгенде ең жоғары тәуліктік дозасы 72 мл (18 г) құрайды. Қажет болса, инфузия бірнеше тәулік бойы қайталанады.

Артериялық гипертензия. Артериялық гипертензияның I-II сатысында күн сайын бұлшы-қет ішіне 5-10-20 мл енгізеді. Емдеу курсы – 15-20 инъекция, осы орайда, артериялық қысым деңгейінің төмендеуімен қатар, стенокардия айқындылығының азаюын байқауға болады.

Гипертониялық криз. Бұлшықет ішіне немесе көктамыр ішіне сорғалатып, баяу 10-20 мл енгізеді.

Жүрек аритмиялары. Аритмияларды басу үшін көктамыр ішіне 5-10 минут бойы 4-8 мл (1-2 г магний сульфатын) енгізеді, қажет болса, инъекцияны қайталайды (4 г магний суль-фатына дейін қосындысын енгізу).

Алдымен 8 мл жүктеме дозада кемінде 5 минут ішінде енгізуге болады, кейіннен 0,9% натрий хлориді немесе 5% глюкоза ерітіндісімен сұйылтылған 20 мл препаратты 6 са-ғаттан кем емес инфузияға немесе алдымен кемінде 30 минут бойы 8 мл, кейіннен кемінде 12 сағатқа созылатын инфузияға ұластырады.

Құрысу синдромы. Ересектерге бұлшықет ішіне 5-10-20 мл. Балаларға бұлшықет ішіне 0,08-0,16 мл/кг (20-40 мг/кг) есебінен енгізеді.

Эклампсияда. Бұлшықет ішіне тәулігіне 1-2 рет 10-20 мл (нейролептиктерді бір мезгілде қабылдаумен біріктіруге болады).

Преэклампсияда немесе эклампсияда бұлшықет ішіне немесе көктамыр ішіне енгізіледі. Алдымен әр бөксеге бір рет 10 мл немесе көктамыр ішіне 16 мл (4 г магний сульфаты) 3-4 минут ішінде енгізіледі. Әріқарай сіңір рефлекстерін және тыныс алу функциясын тұрақты бақылау кезінде бұлшықет ішіне әр 4 сағат сайын 16-20 мл (4-5 г) немесе көктамыр ішіне сағатына 4-8 мл тамшылатып (1-2 г/сағат) енгізуді жалғастырады. Емді ұстама тоқтағанша жалғастырады. Ең жоғары тәуліктік доза – 40 г магний сульфаты, бүйрек функциясының бұзылуында – 48 сағатта 20 г.

Несеп шығару іркілісі. Несеп шығару іркілісінде және қорғасынды шаншуда 25% магний сульфаты ерітіндісінде 5 есе сұйылтылған бұлшықет ішіне 5-10 мл немесе көктамыр ішіне 5-10 мл препаратты енгізеді (клизма түрінде де тағайындалады).

У қайтарғы ретінде. Сынаппен, мышьякпен, тетраэтилқорғасынмен уыттанғанда 25% магний сульфаты ерітіндісінде 2,5-5 есе сұйылтылған 5-10 мл енгізіледі. Барийдің еритін тұздарымен уланғанда көктамыр ішіне 4-8 мл енгізеді немесе асқазанды 1% магний сульфаты ерітіндісімен шаяды.

Жаңа туған нәрестелер. Жаңа туған нәрестелерде бассүйекішілік гипертензияда және ауыр асфиксияда бұлшықет ішіне тәулігіне 0,2 мл/кг дозадан бастап енгізіп, дозаны 3-4-ші тәулікте 3-8 тәулік бойы кешенді емде тәулігіне 0,8 мл/кг дейін арттырады. Жаңа туған нәрестелерде магний тапшылығын жою үшін 5-8 күн бойы тәулігіне 1 рет 0,5-0,8 мл/кг тағайындалады.

Жаңа туған нәрестелерге тыныстың, жүректің тоқтап қалуымен және артериялық гипер-тензиямен гипермагниемияның дамуы мүмкін екендіктен препаратты көктамыр ішіне сорғалатып енгізу ұсынылмайды.