Авамис 27,5/мкг/доза 120доз спрей Глаксо

- препараттың қандай да болсын компонентіне жоғары сезімталдық

- ритонавирмен бірге қолдану

- 6 жасқа дейінгі балалар

Төменде берілген жағымсыз реакциялар кездесу жиілігі бойынша топтастырылған: өте жиі (>1/10), жиі (>1/100, <1/10), жиі емес (>1/1000, <1/100), сирек (≥1/10, 000 және <1/1000), өте сирек (<1/10, 000).

Өте жиі

- мұрыннан қан кету

Мұрыннан қан кету негізінен жеңіл және орташа қарқындылықта байқалған. Ересектерде және жасөспірімдерде мұрыннан қан кету препаратты, қысқа мерзім қолданғанға қарағанда, ұзағырақ (6 аптадан астам) қолданған жағдайда жиі кездеседі. Балаларда мұрыннан қан кету жиілігі Авамис^® қабылдаған топ пен плацебо тобындағы пациенттерде ұқсас болды.

(12 апталық бақылау).  

Жиі

- бас ауыру

- мұрын шырышының ойық жаралануы

Жиі емес

- мұрын жолы аймағында ауыру, жоғары сезімталдық, құрғақтық, күйдіру, тітіркену, жайсыздық мұрыннан қан кетуді қоса есептегенде 

Сирек

- анафилаксиялық реакцияларды қоса, аса жоғары сезімталдық реакциялары

- ангионевроздық ісіну (Квинке ісінуі), бөртпе, есекжем

Өте сирек

- мұрын қалқасының тесілуі

Белгісіз

- балаларда өсудің кідіруі (бір жылдық клиникалық зерттеуде тәулігіне 110 мкг доза Авамис^® препаратын қабылдап жүрген препубертатты кезеңдегі балаларда, плацебо тобымен салыстырғанда, өсудің орташа қалыс қалуы 0,27 см болды)

 - көру тарапынан болатын уақытша өзгерістер

Препараттың болжамды жағымсыз реакциялары туралы деректерді ұсыну дәрілік заттың қауіп/пайда арақатынасына үздіксіз мониторинг жүргізуге мүмкіндік беретін өте маңызды жағдай болып табылады. Медицина қызметкерлері медициналық қолдану жөніндегі нұсқаулықтың соңында көрсетілген байланыс құралдарына, сондай-ақ ақпарат жинаудың ұлттық жүйесі арқылы кез келген болжамды жағымсыз реакциялар  туралы ақпарат беру керек.

Авамис® препараты тек мұрын ішіне енгізуге арналған.

Толыққанды ем алу үшін препаратты төменде көрсетілген графикпен қолдану ұсынылады. Препарат әсерінің басталуы алғаш енгізілгеннен кейін 8 сағаттан соң-ақ байқалады, алайда ең жоғары әсерге жеткенше бірнеше күн өтуі мүмкін, мұны пациентке ескерткен жөн. Емдеу ұзақтығы аллергиялық әсер ету кезеңімен шектелуі тиіс.

Ересектер және 12 жастан асқан жасөспірімдер

Бастапқы ұсынылатын доза (бір бүркуге 27,5 мкг флутиказон фуроаты) тәулігіне бір рет әрбір мұрын ішіне екі мәрте бүркуді құрайды (жалпы тәуліктік доза 110 мкг).

Демеуші доза ретінде ауру симптомдарын бақылауға қол жеткізу шамасына қарай дозаны тәулігіне 1 рет әрбір мұрын ішіне 1 мәрте бүркуге дейін төмендетеді (тәулігіне 55 мкг).

Дозаны симптомды бақылауға қол жеткізе алатын ең аз дозаға дейін титрлеген жөн.

6 жастан 11 жасқа дейінгі балалар

Тәулігіне 1 рет әрбір мұрын жолына бір мәртеден (27,5 мкг флутиказон фуроаты) бүркеді (жалпы тәуліктік доза тәулігіне 55 мкг құрайды). Осы дозалау режимінде әсер болмаған жағдайда, препараттың тәуліктік дозасы тәулігіне 110 мкг-ға дейін арттырылуы мүмкін, бірақ әрбір мұрын ішіне 2 бүркуден аспауы тиіс. Ауру симптомдарын бақылауға қол жеткізілуіне орай, дозасын тәулігіне бір рет әрбір мұрын жолына 1 бүркуге дейін төмендетеді (тәулігіне 55 мкг).

6 жасқа дейінгі балалар

Адамдардың осы категорияларына қолдану тәжірибесі шектеулі. Адамдардың осы тобында тиімділігі және қауіпсіздігі жөнінде деректер жоқ.

Егде жастағылар

Дозаны түзетудің қажеті жоқ.

Бүйрек жеткіліксіздігінде қолданылуы

Дозаны түзетудің қажеті жоқ.

Бауыр жеткіліксіздігінде қолданылуы

Бауыр жеткіліксіздігінде дозаны түзету қажет етілмейді. Бауырдың ауыр жеткіліксіздігі бар пациенттерде қолданғанда сақ болу керек, себебі бұл адамдардың когортасында кортикостероидтарды қолданумен байланысты жүйелік жағымсыз реакциялардың даму қаупі бар.

Пайдаланылуы жөніндегі нұсқаулық

Авамис® пластмасса сауытқа салынған шыны құтыда болады.

Сауытта құтыдағы препарат қалдығын көруге мүмкіндік беретін терезе бар. Түймені нықтап басқан кезде суспензия ұштық арқылы шашырайды. Ұштығы қалпақшамен қорғалған.