Этацизин 50мг №50таб Олайнфарм

- этацизинге немесе қосымша заттарға жоғары сезімталдық

- өткізгіштіктің айқын бұзылулары (соның ішінде жасанды ырғақ жетектегіш болмаған кездегі синоатриальді бөгет, II және III дәрежелі атриовентрику-лярлы бөгет), қарыншаішілік өткізгіштік бұзылуы

- сол жақ қарынша миокардының айқын гипертрофиясы

- инфаркттан кейін кардиосклероз болуы

- кардиогенді шок

- айқын артериялық гипотензия

- жүрек жеткіліксіздігінің ауыр түрі

- бауыр және/немесе бүйрек қызметінің ауыр бұзылулары

- жүктілік, бала емізу кезеңі

- 18 жасқа дейінгі балалар мен жасөспірімдерде

- аритмияға қарсы басқа да 1с класты дәрілерді бір мезгілде қолдану

- аритмияға қарсы 1а класты дәрілерді бір мезгілде қолдану

- моноаминоксидаза (МАО) тежегіштерін бір мезгілде қолдану

- Гис жүйесі – Пуркинье талшықтары бойымен өткізу бөгеттерімен үйлестіргенде жүрек ырғағы бұзылуының кез-келген түрлері

Ерекше сақтықпен – синустық түйіннің әлсіздік синдромында, брадикардияда, I дәрежелі АV бөгетінде, ишемиялық жүрек ауруында, шеткергі қан айналымының ауыр бұзылуларында, I функционалдық класты созылмалы жүрек жеткіліксіздігінде, глаукоманың жабық бұрышты түрінде, қуық асты безінің қатерсіз гипертрофиясында, кардиомегалияда (аритмогенді әсерінің даму қаупі артатындықтан), электролиттік теңгерім бұзылуларында (гипокалиемия, гиперкалиемия, гипомагниемия), бауыр/бүйрек жеткіліксіздігінде.

Өте жиі – ≥1/10

Жиі – ≥1/100-ден 1/10-ға дейін

Жиі емес – ≥1/1000-нан 1/100-ге дейін

Сирек – ≥1/10 000-нан 1/1000-ға дейін

Өте сирек – <1/10 000, соның ішінде жекелеген жағдайларда

*Кездесу жиілігін анықтау үшін бақылаулар саны жеткіліксіз.

Жағымсыз әсерлерінің көрініс беруі препараттың жоғары дозаларын қолдану кезінде көбірек ықтимал.

Жиі

- бас айналу

- тепе-теңдіктің бұзылуы

- аккомодация бұзылуы (емдеудің басында)

Сирек

- AV бөгеті

- қарыншаішілік өткізгіштік бұзылулары

- миокардтың жиырылу қабілетінің төмендеуі

- бас ауыру

- жүрек айну

- эпигастрийдегі ауыру

Өте сирек

- кенеттен өлу қатерімен аритмогенді әсер ету

*Кездесу жиілігін анықтау үшін бақылаулар саны жеткіліксіз

- ЭКГ өзгерістері: PQ аралығының ұзаруы, Р тісшесінің және QRS

кешенінің кеңеюі

Ішке, ас ішуге байланыссыз.

Әдеттегі дозасы тәулігіне 2-3 рет 50 мг құрайды. Клиникалық әсері жеткіліксіз болса, дозаны тәулігіне 4 рет 50 мг дейін (200 мг) немесе тәулігіне 3 рет 100 мг дейін (300 мг) арттырады (міндетті түрде электрокардиограмма – ЭКГ бақылауымен). Аритмияға қарсы тұрақты тиімділікке жеткенде ең аз тиімді дозаларында әркімге жеке таңдалған демеуші ем жүргізіледі.

Ең жоғары бір реттік дозасы - 100 мг.

Ең жоғары тәуліктік дозасы - 300 мг.

Емдеу курсының ұзақтығын емдеуші дәрігер белгілейді.

Кейбір емделушілерде аритмияға қарсы тұрақты тиімділікке жету үшін Этацизин бета-блокаторлармен біріктірілген ем құрамында ұсынылады.

Егде жастағы емделушілерге сақ болу керек, бастапқы дозаны азайту және дозаны абайлап арттыру қажет.

18 жасқа дейінгі балаларға, қолдану қауіпсіздігі мен тиімділігі туралы жеткілікті деректер болмауына орай, қолдануға болмайды.

Бауыр қызметі бұзылған емделушілерге гепатоуытты әсерінің болуы мүмкін екендіктен, ұзақ уақыт емделгенде сақтық шарасын қадағалау керек (бауыр қызметінің ауыр бұзылуларында қолдану қарсы көрсетілімді).

Егер кезекті доза уақытында қабылданбаса, дозаны арттырмай-ақ, препарат қабылдауды әдеттегі режимде жалғастырады. Қажет болса, дәрігермен кеңесу керек.