- асқазан мен он екі елі ішектің ойықжаралы аурулары
- рефлюкс-эзофагит
- Золлингер-Эллисон синдромы немесе патологиялық асқазан гиперсекрециясымен сипат-талатын басқа да жағдайлар
- препараттың белсенді компоненттеріне, орын басқан бензимидазолдарға, қосымша заттар-дың кез келгеніне аса жоғары сезімталдық
- атазанавирмен бірге бір уақытта қолдану
- 18 жасқа дейінгі балалар мен жасөспірімдер
Төменде кездесу жиілігімен байқалған жағымсыз реакциялар тізілген: өте жиі (>1/10); жиі (>1/100 <1/10дейін); жиі емес (>1/1000 <1/100 дейін); сирек (>1/10000 <1/1000 дейін); өте сирек (<1/10000); белгісіз (қолда бар деректер бойынша бағалау мүмкін емес).
Жиі
- асқазан түбінің безді полиптері
- инъекция енгізген жердегі тромбофлебит
Жиі емес
- бас ауыруы, бас айналуы
- ауыздың құрғауы, жүрек айнуы, құсу, іш кебуі, метеоризм, абдоминальді ауыру және жайсыздық, диарея, іш қату
- тері бөрпесі, қышыну, экзантема
- астения, қажу және дімкәстік
- бауыр ферменттері (трансаминазалар, -GT) белсенділігінің жоғарылауы
- ұйқының бұзылуы
- жамбастың, білектің немесе омыртқа бағанының сынуы
Сирек
- агранулоцитоз
- препараттың белсенді және қосымша компоненттеріне жоғары сезімталдық (анафилак-сиялық реакцияны және анафилаксиялық шокты қоса)
- гиперлипидемия және триглицеридтер, холестерин деңгейінің жоғарылауы, салмақтың өзгеруі
- билирубин мөлшерінің жоғарылауы
- дәм сезудің бұзылуы
- депрессия (және барлық қатарлас нашарлаулар)
- көрудің нашарлауы/анық көрмеу
- есекжем, ангионевроздық ісіну
- артралгия, миалгия
- гинекомастия
- дене температурасының жоғарылауы, шеткері ісінулер
Өте сирек
- тромбоцитопения, лейкопения, панцитопения
- бағдардан адасу (және барлық қатарлас нашарлаулар)
Белгісіз
- гипонатриемия, гипомагниемия, гипокальциемия*, гипокалиемия
- елестеулер, сананың шатасуы (әсіресе осы жағдайларға бейім науқастар, сондай-ақ егер емге дейін болған болса осы симптомдардың нашарлауы)
- парестезия
- гепатоцеллюлярлық зақымданулар, сарғаю, гепатоцеллюлярлық жеткіліксіздік
- Стивенс-Джонсон синдромы, Лайелл синдромы, экссудативті көпформалы эритема, жа-рыққа сезімталдық, жеделге жуық терінің қызыл жегісі
- интерстициальді нефрит (бүйрек жеткіліксіздігінің ықтимал өршуімен)
- бұлшықет түйілуі**
* гипомагниемияға байланысты гипокальциемия
** электролиттік теңгерімнің бұзылуы салдарынан
Препаратты ішке таблеткалық түрін қабылдай алмағанда немесе оны осындай енгізу тә-сілімен тиімділігі жеткіліксіз болғанда вена ішіне қолданады. Симптомдарды толық жою үшін препаратты 7 күн бойы қабылдау талап етіледі.
Сондықтан, пероральді қолдану мүмкін бола салысымен Нольпаза препаратымен вена-ішілік емдеуді тоқтату қажет және оның орнына 40 мг пантопразолды пероральді таға-йындау керек.
Қолдануға дайын инъекцияға арналған ерітіндіні дайындау үшін натрий хлоридінің 10 мл физиологиялық ерітіндісін (0,9%) құрғақ зат тұрған құтыға қосады. Бұл ерітіндіні тікелей (вена ішіне сорғалатып) немесе араластырғаннан кейін 100 мл 0,9% натрий хлоридінің ерітіндісімен немесе 5% глюкоза ерітіндісімен (вена ішіне тамшылатып) қолдануға бола-ды.
Дайындалған ерітінді дайындалғаннан кейін 12 сағат ішінде пайдаланылуы тиіс. Вена іші-не енгізуді 2–15 мин ішінде жүргізу керек.
Асқазан мен он екі елі ішектің ойықжаралы ауруы, гастроэзофагеальді рефлюкс ауруы (ГЭРА)
Ұсынылған доза тәулігіне 40 мг.
Золлингер-Эллисон синдромы және басқа да патологиялық гиперсекреторлық жағдайлар
Золингер-Эллисон синдромын және басқа да патологиялық гиперсекреторлық жағдайла-рды ұзақ емдегенде ұсынылған тәуліктік доза емнің басында вена ішіне 80мг Нольпаза препаратын құрайды. Осыдан кейін доза асқазан сөлінің қышқылдылық көрсеткішіне бай-ланысты ұлғаюы немесе төмендеуі мүмкін.
Препаратты 80 мг жоғары тәуліктік дозада қолданғанда дозаны бөлуге және күніне екі рет енгізуге болады. Нольпазаның тәуліктік дозасын 160мг дейін уақытша ұлғайтуға болады. Емдеу курсы шектелмеген және клиникалық қажеттілікке байланысты.
Пациенттердің ерекше топтары
Бауыр функциясы айқын бұзылған пациенттерде препараттың тәуліктік дозасы 20мг пан-топразолдан (1/2 құты 40 мг пантопразол) аспауы тиіс.
Егде жастағы пациенттерге және бүйрек функциясы бұзылған пациенттерге дозаны түзету керек емес.
18 жасқа толмаған балаларда Нольпаза ® препаратын инъекция үшін ерітінді дайындауға арналған ұнтақ түрінде 40 мг дозада қолдану қауіпсіздігі және тиімділігі әзірше анықтал-маған. Сондықтан 18 жасқа толмаған балаларда Нольпаза ® препаратын инъекция үшін ерітінді дайындауға арналған ұнтақ түрінде 40 мг дозада қолдану ұсынылмайды.
